च्याम्पियन्स लिगमा नाटकीय पेनाल्टी जितसँगै रियल म्याड्रिड सेमिफाइनलमा!
साविक विजेता म्यानचेस्टर सिटीलाई हराउँदै रियल म्याड्रिडले च्याम्पियन्स लिगको सेमिफाइनलमा प्रवेश गरेको छ। बुधबार भएको पेनाल्टी सुट आउटमा ४–३ ले जित हासिल गर्दै, रियलले नाटकीय रुपमा अन्तिम चारमा स्थान बनाएको हो। यस खेलमा रियलका गोलकिपर लुनिनले दुई महत्वपूर्ण पेनाल्टी रोकेर टिमलाई सेमिफाइनल यात्रामा पुर्याए।
रियल र सिटीबीचको क्वार्टरफाइनलको दोस्रो लेग निर्धारित समयमा १–१ को बराबरीमा समाप्त भएको थियो। त्यसपछि भएको टाइब्रेकरमा रियलले जित हासिल गर्यो। सिटीका केभिन डि ब्रुएनाले दोस्रो हाफमा बराबरी गोल गरेका थिए, तर त्यो पनि जितको लागि पर्याप्त सावित भएन।
रियलको रोड्रिगोले पहिलो हाफमा गोल गरेर अग्रता लिएको थियो। भिनिसियसको क्रसमा उनको शक्तिशाली प्रहारलाई सिटीका गोलकिपरले आंशिक रुपमा रोके तापनि पूर्ण रुपमा नियन्त्रणमा लिन नसकेपछि रिबाउन्डमा रोड्रिगोले गोल गरेका थिए।
यो जितले रियललाई च्याम्पियन्स लिगमा आफ्नो १५औं उपाधि जित्ने आशा जीवित राखेको छ। यस विजयले रियल म्याड्रिडको ऐतिहासिक यात्रामा थप एक सुनौलो अध्याय थपिएको छ।
